[life]

Ab to khuwaish hai yeh, "DARD" aisa milay
Saans lene ki hasrat main marr jayen hum
ab to khuwaish hai yeh, aisi aandhi chalay
Jis main patton ki manind bikhar jayen hum...
ab to khuwaish hai yeh, Duniya walon ka gham
Aisi Thokar lagaye k jee na saken
Aisi uljhen yeh senay main Saansain k phr
Hum dawa peena chahen to pee na saken
Koi hamdam na raahi na raahat milay
aik pal ka sahara na chahat milay
Ab to khuwaish hai yeh,
Dasht hi dasht ho, nangay paaon chalen
Hum sar-e-bazam shama ki manind jalen...
Jiss ko chahen usay phr na paayen kabhi
Chorr jayen youn chup chaap duniya ko hum
Dil yeh chahe bhi to phr na aayen kabhi
Ab to khuwaish hai yeh k saza woh milay...
Koi sehra, qill'a ya bayaban ho
jis main Saalon talak Qaid hi qaid ho
Apnay khaliq-o-maalik se maine jo ki
"Bewafai" wahan pe woh naa ped ho
Ibn-e- adam ki chah k karray juram main
Apnay hi zaat k khokhlay bharam main
ab to khuwaish hai yeh k Saza woh milay...
Rooye jaaon to chup na karaye koi
Door jungle main ya phr kisi dasht main
Haath pakre mera chorr aaye koi...!!!!