[ROSE]

Neenday Meri Aankhon Say Churata Hai Wohi Shaks
So Jaon Tu Khowabon Main Bhi Aata Hai Wohi Shaks

Jis Zakham Ka Khaliq Bhi Koi Or Nahi Hai
Us Zakham Pay Marham Bhi Lagata Hai Wohi Shaks

Haathon Ke Lakeeron Main Bhi Talashay Wo Mujh Ko
Haathon Ke Lakeeray Bhi Mitaata Hai Wohi Shaks

Rakhta Hai Mujhay Qaid Bhi Ak Band Gali Main
Rastay Bhi Naye Mujh Ko Sujhata Hai Wahi Shaks

Har Lamha Yeh Koshish Main Usay Bhool He Jaon
Pehlay Say Siwa Yaad Bhi Aata Hai Wahi Shaks

Ham Jis Say Talab Roshniyaan Kartay Rahay Hain
Aata Hai Tu Shamay Bhi Bhujata Hai Wahi Shaks

Jo Aaina Main Apnay Liye Dhoond Kay Laaya
Us Main Bhi Hamaysha Nazar Aata Hai Wahi Shaks

Us Shaks Ke Khatir Hoon Main Dunya Say Juda Bhi
Lakin Mera Dunya Say Bhi Naata Hai Wahi Shaks

Jis Shaks Kay Honay Say Thi Is Shaher Ke Ronaq
Suntay Hain Keh Is Shaher Say Jaata Hai Wahi Shaks

 

---

Kabhi zindagi me kisik liay mut rona**
q k vo''tumhare ansoun k kabil nahi ho ga''
or ''vo'' jo is ''kabil'' ho ga vo tumhe ''rone'' nahi de ga''*****