[Owi]

-:||:- Tumhaaray Naam K Hurfon Say Behter -:||:-

Tumhaaray naam k hurfon say behter hurf abjadd mein nahi hein
Na-jaanay kab say ye mosam
Sitaaron ki terhan dherti k seenay per firozaan hein
Mager un ki nigaahon nay
Tumhaaray wasl k lamhon say behter waqt
Dekha hai na socha hai
Hawa nay manzaron per aaj tak jo kuch bhi likha hai
Tumhaaray naam likha hai
Khalaa mein toot'tay taaray, tumhaaray baam say guzrein
To ruknay ko machaltay hein
Falak ko choomtay jazbay tumhaari aankh say utrein
To paataalon mein girtay hein
Tumhaaray khuwaab say roshan minaarein
Waqt k deriya-e-bay-hadd mein nahi hein

TUMHAARAY NAAM K HURFON SAY BEHTER HURF, ABJADD MEIN NAHI HEIN !

 

---

•||•––––•||•––•Owi•––•||•––––•||•