[Owi]

-:||:- Wafa Say Raabta Rakhna -:||:-

-:||:- Main Teray Gird Manaajaat K Haalay Rakhoon -:||:-


Aayat-e-jaan say dar-e-dil ko ujaalay rakhoon
Misl-e-taaweez galay mein tujhay daalay rakhoon

Teray aanchal ki mehek choonay lagi mera badan
Apni baanhon mein hawaaon ko sambhaalay rakhoon

Aa ! meray chaand, na khaa jaaye sitaaron ki nazer
Main teray gird manaajaat k haalay rakhoon

Go main khud zakham saraapa hoon, mager jo aaye tu
Teray zakhmon pay lab-e-wasl k gaalay rakhoon

Jab talak saans qalam layta rahay, likhta rahoon
Yun hi ghazlon mein her ik pal tujhay dhaalay rakhoon

Pehli baar tu nay jab iqraar kiya tha jaana
Main apni zeest mein us hi pal k hawaalay rakhoon

Rung-o-khushboo say sajaana hai teray raston ko
Khud ko rakhoon teri raahon mein k ujaalay rakhoon.

 

---

•||•––––•||•––•Owi•––•||•––––•||•