[!~*AdOrAbLe*~!]

Peshanee pe likhkhi huuwee taHreer pe haNs lo
Ay dosto aao mere taqdeer pe haNs lo


Hai reet riwaajoN ki mire paaoN meiN zanjeer
haNsna hai tou is paaoN ki zanjeer pe haNs lo


TaSveer-e wafa main ne sajaayee hai lahoo se
Dil chaahe tou tum bhee mere taSveer pe haNs lo

Yeh ashk"e mohabbat hi tou jageer hai meree
tum shauq se logo miree jageeer pe haNs lo


Pahle mire afsaney ki tafseer tou sun lo
Phir shauq se afsaney ki tafseer pe hans lo


Is raah se tum ko bhi guzarna hai kisee roz
Ab chaho tou tum haalat-e rehgeer pe haNs lo


kal usko gale milte huuwe Khuwaab meiN dekha
Ay“aarzoo” is Khuwaab ki tabeer pe haNs lo

 

[Lucky]

nice sharing

 

[!~*AdOrAbLe*~!]

thnxxxx