[life]

نیند سے باہر گِرا خواب

ہماری نیند سے باہر
کہیں اِک خواب جلتا ہے
کہیں آنسو چمکتے ہیں
کہیں مہتاب جلتا ہے
ہماری نیند سے باہر
کہیں سورج نکلتا ہے
کہیں کالی کلوٹی رات پھرتی ہے
کہیں چھپ کر کوئی دِیپک
پسِ محراب جلتا ہے
ہماری نیند سے باہر
کہیں اُجلے پرندے ہیں
کہیں خونی درندے ہیں
کہیں یادوں کا جنگل ہے
کہیں صحرا، کہیں جَل ہے
کہیں برفاب جلتا ہے
ہماری نیند سے باہر
کہیں بادل برستے ہیں
کہیں نیناں ترستے ہیں
کہیں دل کے سمندر میں
کوئی بے آب جلتا ہے
ہماری نیند سے باہر
کہیں دو پھول کِھلتے ہیں
کہیں ہم روز ملتے ہیں
کہیں سب زخم سِلتے ہیں
ہماری نیند سے باہر
کہیں اِک بام روشن ہے
کہیں اِک باب جلتا ہے
کہیں پنہاں، کہیں ظاہر
ہماری نیند سے باہر
کہیں اِک خواب جلتا ہے

نصیر احمد ناصر

 

[SHAYAN]

Nice..

 

[life]

thanks......

 

[~~KING~~]

 

---

[SIGPIC][/SIGPIC]

~~KING~~

Ek ajeeb sa manzar nazar aata hai,
Har ek qatra samandar nazara aata hai,

Kahan banaaon main ghar sheeshey se,
Har kisi ke hath mein pathar nazar aata hai..