[DrEaMBoY]

میں ایسا تے نئیں ساں بن گیا واں
بڑا جھکدا ریا، ہن تن گیا واں

سبب دے نال رُس کے کجھ نہ لبیا
میں رُسیا ساں بہت، ہن من گیا واں

وسن لئی چار دیواری چنی سی
میں او دیوار ساری پن گیا واں

میں آٹے وچ نمک دے سی برابر
مری قسمت تاں ویکھو، چھن گیا واں

زمیں تے رہن گے زندہ او سارے
میں کجھ کردار ایسے جن گیا واں

چلو کجھ یاد تاں رکھن گے اظہر
میں دھرتی چھوڑ کے کجھ فن گیا واں

Main aisa tay nai saan, bun gaya waan
Bara jhukda raya, hunn tunn gaya waan

Sabbeb day naal russ kay kujh na labiya
Main russiya saan bohat, hun munn gaya waan

Wassen lai chaar deevari chunni si
Main Oo devaar sari punn gaya waan

Main atay wich namak day si baraber
Meri qismet taan waikho, chunn gaya waan

Zameen tay rehn gay zinda o saray
Main kujh kirdaar aisay junn gaya waan

Chalo kujh yaad taan rakhen gay azhar
Main dhartee chor kay kujh funn gaya waan

 

---

u R my HeArT & SouL!!

[SHAYAN]

Buht Kh00b

 

[life]

Buht Khooob