[(¯*♥¤»ƙɧՄՏɧՅԾԾ«¤♥*¯)]

soz-e-Gham de ke mujhe us ne ye irshaad kiyaa
jaa tujhe kash-ma-kash-e-dehar se aazaad kiyaa

vo karen bhii to kin alfaaz men teraa shikvaa
jin ko terii nigaah-e-lutf ne barbaad kiyaa

dil kii choTon ne kabhii chain se rehne na diyaa
jab chalii sard havaa main ne tujhe yaad kiyaa

aise men main tere taj-takalluf pe nisaar
phir to farmaaye vafaa aap ne irshaad kiyaa

is kaa ronaa nahiin kyun tumane kiyaa dil barbaad
is kaa Gham hai ki bahut der men barbaad kiyaa

itnaa maasuum huuN fitrat se, kalii jab chaTakii
jhuk ke main ne kahaa, mujh se kuch irshaad kiyaa

merii har saaNs hai is baat kii shaahid-e-maut
main ne har lutf ke mauqe pe tujhe yaad kiyaa

mujh ko to hosh nahiin tum ko Khabar ho shaayad
log kehte hain ke tum ne mujhe barbaad kiyaa

vo tujhe yaad kare jis ne bhulaayaa ho kabhii
ham ne tujh ko na bhulaayaa na kabhii yaad kiyaa

kuch nahiin is ke sivaa 'Josh' hariifon kaa kalaam
vasl ne shaad kiyaa hijr ne naashaad kiyaa

 

---

[SHAYAN]

merii har saaNs hai is baat kii shaahid-e-maut
main ne har lutf ke mauqe pe tujhe yaad kiyaa

nice 1

 

[Haadi]

kuch nahiin is ke sivaa 'Josh' hariifon kaa kalaam
vasl ne shaad kiyaa hijr ne naashaad kiyaa

 

---

[SIGPIC][/SIGPIC]

[(¯*♥¤»ƙɧՄՏɧՅԾԾ«¤♥*¯)]

thanks

 

---