[anabia]

دليل محبت

سنا تھا ہم نے لوگوں سے

محبت چيز ايسي ہے

چھپائے چھپ نہيں سکتي

يہ آنکھوں سے چمکتي ہے

يہ چہروں پر دمکتي ہے

يہ لہجوں ميں جھلکتي ہے

دلوں تک کو گُھلاتي ہے

لہو ايندھن بناتي ہے

اگر سچ ہے . . . . . تو پھر آخر ہميں

اس ذاتِ حق سے يہ بھلا کيسي محبت ہے؟

نہ آنکھوں سے جھلکتي ہے

نہ چہروں پر ٹپکتي ہے

نہ لہجوں ميں سُلگتي ہے

دلوں کو آزماتي ہے نہ راتوں کو رُلاتي ہے

کليجے مونہہ کو لاتي ہے نہ فاقوں سے ستاتي ہے

نہ خاک آلود کرتي ہے نہ کانٹوں پر چلاتي ہے

نہ يہ مجنوں بناتي ہے

عجب ايسي محبت ہے فقط دعويٰ سُجھاتي ہے

نہ کعبے کي گلي ميں تن پہ انگارے بجھاتي ہے

نہ غارِ ثور ميں چُپ کے سکينت بن کے چھاتي ہے

حرا تک لے بھي جائے. . .قُدس سے آنکھيں چُراتي ہے

ہم اپنے دعوٰئےحق ِ محبت پر ہوئے نادم

تو پلکوں کے کناروں سے جھڑي سي لگ گئي اور پھر

کہيں سے بجلياں کُونديں

صدا آئي

ذرا اس آنکھ کي بندش کے دم بھر منتظر رہنا

وہاں خود جان جاؤ گے

!!!محبت کي حقيقت

 

---

نیلگوں فضاؤں میں
شور ہے بپا دل میں
شدتوں کے موسم کی
چاہتیں سوا دل میں
حبس ہے بھرا دل میں
میں اداس گلیوں کی
اک اداس باسی ہوں
بادلوں کے پردے سے
واہموں کو ڈھکتی ہوں
خوشبوئیں گلابوں کے جسم سے نکلتی ہیں
روشنی کی امیدیں کونپلوں پہ چلتی ہیں
پھر بہار آنے سے پہلے ٹوٹ جاتی ہیں
چوڑیاں بھی ہاتھوں میں ٹوٹ پھوٹ جاتی ہیں
جسم کے شگوفوں میں رنگ چھوڑ جاتی ہیں
بس سنہرے لہجےکی
روشنی ہے لو جیسی
ہونٹ سے پرے دل میں
کام کی دعا ایسی
کس کو یہ خبر لیکن
اِس سنہرے لہجے میں
کھارے کھارے پانی سا
بدگمانیوں سے پُر