[fog]

wo yun mila k bazahir khafa khafa sa laga
wo doosron se magar muj ko kuch juda sa laga

mizaaj us ne na poocha magar salam lia
ye be_rukhi ka saleeqa bhi kuch bhala sa laga

main apne karb ki rudad usse kia kehta
khud us ka dil bhi muje kuch dukha dukha sa laga

gubhar_E_waqt ne kuch yun badal die chehre
khud apna shehar bhi mujko naya naya sa laga

ghuti ghuti si lagi raat anjuman ki fiza
charaagh jo bhi jala kuch bhuja bhuja sa laga

jo hum pe guzri hay shayed sab pe guzri hay
fasana jo bhi suna kuch suna suna sa laga

main ghar se chal kar akela yahan tak aaya hoon
hum_safar jo bhi mila kuch thaka thaka sa laga

kuch is khaloos ne us ne muje kaha faraz
khud apna naam bhi muj ko bohat bara sa laga