[ShArArTi MuNdA]

Ikk Faqat Apney Siwa, Hum Sab Hi Say Miltey Rahey
Apni Hi Dhayi Huyi Aag Mein Hum Mudaton Jaltey Rahey

Jab Say Daikha Hai Ussey Ikk Ajnabi Ke Saath Saath
Dill Mein Mairey Waswasey, Ibhaam Say Paltey Rahey

Wasl To Ho Hi Na Paya Uss Say Apna Umr Bhar
Uss Ke Waadey Aaney Waaley Kal Pay Hi Tal-tey Rahey

Zaat Ke Wajdaan Ne To Maar Hi Daala Humein
Warna To Hum Zindagi Say Umr Bhar Larrtey Rahey

Kal Chali Yaadoon Ki Aandhi Zor Say Kuch Iss Qadar
Dair Tak Mairey Dar-o-Diwaar-e-Tan Hiltey Rahey

Uss Ne Aankhon Mein Kabhi Hum Ko Basaya Hi Nahin
Hum Bhi Thay Maanind-e-Aansoo Khaak Mein Rultey Rahey

Zindagi Ne Barrh Ke To Hum Ko Sambhala Hi Nahin
Apney Laashey Ko Utthaye Aap Hi Chaltey Rahey

Shabaab Ke Lamhey, Maanind-e Raig Thay Goya
Woh Jo Phisley To Hum Apney Haath Hi Maltey Rahey !!