[Rania]

کراچی ( مانیٹرنگ ڈیسک ) قومی کرکٹ ٹیم کے سابق کپتان وسیم اکرم بیٹی کے باپ بن گئے۔تفصیلات کے مطابق سابق کرکٹر وسیم اکرم کی شادی گزشتہ سال 12 اگست کو آسٹریلوی خاتون شنیرا سے ہوئی تھی۔اب وسیم اکرم اور شنیرا اکرم کے ہاں بیٹی کی پیدائش ہوئی ہے۔شنیرا اکرم نے آسٹریلیا میں بیٹی کو جنم دیا ہے ۔وسیم اکرم نے بیٹی کی پیدائش پر اللہ کا شکر ادا کیا اور کہا کہ بیٹی کا باپ بننا ان کے لیے اعزاز کی بات ہے۔یاد رہے اس سے قبل بھی وسیم اکرم کی شادی پاکستانی خاتون سے شادی ہو چکی ہے اور ان کے دو بیٹے بھی ہیں تاہم ان کی اہلیہ طویل علالت کے بعد انتقال کر گئیں تھیں جس کے بعد وسیم اکرم اور شنیرا اکرم نے باہمی رضا مندی سے شادی کر لی تھی۔

 

---