[PRINCE SHAAN]

محبتوں کا حساب تھا

محبتوں کا حساب تھا نہ عداوتوں کا شمار تھا
کبھی اُس کی ذات عذاب تھی کبھی روح کا وہ قرار تھا


میری پیاس اُتنی ہی بڑھ گئی کہ سراب جتنے ملے مجھے
ہوا دھوکہ جس پہ گلاب کا وہ سلگتا جلتا شرار تھا
...
اُسے میں نےمڑ کے صدا نہ دی پلٹ گیا تھا وہ راہ سے
میں خزاں ہوا تو پتا چلا میری ذات کا وہ نکھار تھا


تو بھی دور ہے میں بھی دور ہوں کیوں الگ ہوۓ یہ راستے
تیری چاہتوں کا گریز تھا یا میری انَا کا حصار تھا


وہ اگر کسی کو ملے کہیں تو کوئی بتادے اُسے ذرا
میرے فنِ شعر کی بے خودی تیرے عشق ہی کا خمار تھا