[~*Gillanii]

Tumhain Udaas Daikh Kar !!

Tumhain Udaas Sa Pata HoOn Main Kai Din Say ..
Najanay Kon Say Sadmay Utha Rahi Ho Tum ..
Wo Shokhiya'n, Wo Tabassum, Wo Qehqahay Na Rahay ..
Har Aik Cheez Ko Hasrat Say Daikhati Ho Tum ..
Chupa Chupa Kay Khamoshi Main Apni Baychaini ..
Khud Apnay Razz Ki Tash'heer Ban Gai Ho Tum ..
Meri Umeed Agar Mit Gai To Mitnay Do ..
Umeed Kya Hay Bas Ik Paish'O'Pus Hay, Kuch Bhi Nahi ..
Meri Hayaat Ki Ghumginiyo'n Ka Ghum Na Karo ..
Gham-e-Hayat, Gham-e-Yuk Nafs Hay, Kuch Bhi Nahi
Tum Apne Husn Ki Raanayo’on Pay Rahem KarO ..
Wafa Faraib Hay, Tool-e-Hawas Hay, Kuch Bhi Nahi
Mujhay Tumharay Tagaful Say Kyon Shikayat Ho??
Meri Fana Mere Ehsaas Ka Taqaza Hay ..
Main Janta Hoon Kay Dunya Ka Khauf Hay Tumko ..
Mujhay Khabar Hay Ye Dunya Ajeeb Dunya Hay ..
Yaha'n Hayat Kay Parday Main Maut Palti Hay
Shakistay Saaz Ki Awaaz, Roh-e-Naghma Hay ..


Mera Kya Hay ??


Mera To Kuch Bhi Nahi Hay, Main Ro Kay Jee Loo'n Ga ..
Magar Khuda Kay Liye!! Tum Aseer-e-Ghum Na Raho ..
Howa Hi Kya, Jo Zamanay Nay Tumko Cheen Liya??
Yaha'n Pay Kon Howa Hay Kisi Ka Socho To ..
Main Apni Roo'h Ki Har Ik Khushi Mita Loon Ga ..
Magar Tumhari Musarrat Mita Nahi Sakta ..
Main Khud Ko Maut Kay Hatho Sonp Sakta Hoon ..
Magar Ye Baar-e-Musaib Utha Nahi Sakta ..





~ Bohat Hain Zakhm Meri Zindagi Mitanay Ko ..
Udaas Reh Kay Mere Dil Ko Aur Runj Na Do ~