[Shaam]

اے غمِ دل کیا کروں ، اے وحشتِ دل کیا کروں
۔۔۔۔۔
شہر کی را ت اور مین ناشاد و ناکارا پھروں
جگمگاتی ، جاگتی سڑکوںپہ آوارا پھروں
غیر کی بستی ہے کب تک در بدر مارا پھروں
۔۔۔۔۔
یہ روپہلی چھاوں یہ آکاش پر تاروں کا جال
جیسے صوفی کا تصور ، جیسے عاشق کا خیال
آہ لیکن کون جانے، کون سمجھے جی کا حال
__
دل میں اک شعلہ بھڑک اٹھا ہے آخر کیا کروں
میرا پیمانہ چھلک اٹھا ہے آخر کیا کروں
زخم سینے کا مہک اٹھا ہے آخر کیا کروں
۔۔۔۔۔
جی میں آتا ہے یہ مردہ چاند تارے نوچ لوں
اس کنارے نوچ لوں اور اس کنارے نوچ لوں
ایک دو کا ذ کر کیا سار ے کے سارے نوچ لوں
۔۔۔۔۔۔
مفلسی اور یہ مظاہر ہیں نظر کے سامنے
سینکڑوں سلطان جابر ہیں نظر کے سامنے
سینکڑوں چنگیز و نادر ہیں نظر کے سامنے
۔۔۔۔۔۔
بڑھ کے اس اِندر سبھا کا ساز وساماں پھونک دوں
اس کا گلشن پھونکدوں اس کا شبستاں پھونک دوں
تختِ سلطاں کیا ، میں سار ا قصرِ سلطاں پھونک دوں
۔۔۔۔
اے غمِ دل کیا کروں ، اے وحشتِ دل کیا کروں

 

---

ایک تیرا ہجر جو بالوں میں سفیدی لایا
ایک تیرا عشق جو سینے میں جوان رہتا ہے

And Allah is All Enough For Me (Al-Quran)