[Zafina]

raat bhar un ka tasaw'ur dill ko tarpata raha
aik naqsha samney aata raha, jata raha

sab na milney tak ki baatain theen, jab aa ka mil gai
saarey shikwe mit gai, sara gila jata raha

in luboo.n ko hi na tha gustakhiyoo.n ka hosla
hum nay mana um'r bhar wo hum ko tarsata raha

us hareem_e naaz ka ab tak na paya kuch pata
mud'datoo.n, kum-bakht dill galiyoo.n main behkata raha

zik'r_e rahat kya k taskee.n tak na hasil ho saki
gar che ik alam humarey dill ko behlata raha

us taraf us naznee.n seeney main mouj_e iztarab
is taraf nadaan dill seeney main ghabrata raha

mehfil_e janaa.n main sab ko apni apni fik'r hay
koi Akhter sey bhi pochey tera kiya jata raha

 

---

And Your Lord Never Forget