[waheed ahmed]

Bohat Asan hi kehna
Mohabbat TUm se Karta hun
Magar Matlab Mohabbat ka
Samjh Lena nahi Asan.

Mohabbat pa k kho dena
Mohabbat kho k paa Lena
ye Un logon k qissay hain
Mohabbat k jo Mujrim hain.

jo mil jane py Hanste hain
bichar jane py rote hain

Suno..!

Mohabbat karne wale tu
Buht Khamosh houte hain

Jo Qurbat main bhi jeete hain
Jo furqat main bhi jete hain
Na wo faryad karte hain

Na Wo Ashkon ko peete Hain...

 

[waheed ahmed]

ussay main nain hi likha tha
ussay main nain hi likha tha,,
k lahjay barf ho jain to phir pighla nahi kartay,,
parinday dar k ur jain to phir lota nahi kartay,,
usay main nain hi likha tha ,,
yaqin uth jayay to shayad kabhi wapis nahi ata ,,
hawaon ka koi tofaan kabhi barish nahi laata ,,
usay main nain hi likha tha ,,
k sheesha toot jay to kabhi phir jur nahi paata,,
jo rastay say bhatak jayay , wo wapis mur nahi paata ,,
usay kahna ,,
wo adhoora khat usay main nain hi likha tha ,,
usay kahna ,,
dewanain mukamal khat nahi likhtay..,

 

[waheed ahmed]

Woh Janti Thi Wafaa Ka Ajar Nahi Hota
Muhabaton Main Sabar Ka Samar Nahi Hota
Woh Janti Thi
Muhabat Dukhon Ka Sehraa Hay
Jehan Serab Si Khushyan Hain
Aur Azaab Say Ghum
Jehan Hay Pyaas Judaai Ki Betahasha Magar
Milan Ki Barishain Hoti Hain Jis Dyar Main Kam
Woh Janti Thi
Muhabat Khiraj Mangti Hay
Woh Jis Ko Dil Ka Lahoo Day Kay Jagmagaya ho
Andheri Rah Kay Lya Woh Chiragh Mangti Hay
Woh Janti Thi
Muhabat Woh Rehguzar Hay Jehan
Bichay Hain Kaanch Judai Kay Beshumar magar
Brehna-pa hi Inhain Paar Kerna Perta Hay
Ghemon Ki Dhoop Main Jab Saibaan Koi Na Ho
Kisi Ki Yaad Ki Chader Ko Taan Ker Khud Per
Tamam Aahain Deba Ker Guzerna Perta Hay
Woh Janti Thi Wafa Ka Ajar Nahi Hota
Muhabaton Main Saber Ka Samer Nahi Hota
Hijer Ki Rah Main Hoti Hay Betahashah ghutan
Wehan Kebhi Bhi hawa Ka Guzer Nahi Hota
Woh Janti Thi Magar Phir Bhi Roag Lay Bethi
Kisi Kay Pyar Main Janay Kun Joag Lay Bethi
Woh Janti Thi Magr Phir Bhi.

 

[PRINCE SHAAN]

Bohat khoob ... Bohat hi umdah sharing ki hai aap ne
shukriya