[SHAYAN]

Mujh se roothey ga jab woh to mujhey rula de ga,
Phir khud hi apni sharto.n se mujhey hansa de ga,

Udaas hota hoon to ji karta hai us ke kandhay pey sar rakh doon
Mujhey yaqeen hai ik wahi mujhey hoslaa de ga,

Us roz mein zindagi se hi rooth jaaoon shayad,
Jis roz woh mujhey apnay dil se bhulaa de ga,

Uski baaton pe is qadar mujhey kyon pyaar aata hai,
Ye mera pyar usay ik din buhot maghroor bana de ga,

Qadr uski meri tarha na koi kar paaye ga,
Khud waqt usey ik din ye baat samjha de ga.