[SHAYAN]

Apne dil k kisi koney me chupaa le mujh ko,

Aur zamane ki nigahon se bacha le mujh ko,

Maanta hon k meri zaat me hain aib tamam,

Phir bhi haar apne galey ka tu bana le mujh ko,

Main hoon tasveer teri raah me, koi rond na de,

Dil ke sheeshey main mohabbat se saja le mujh ko,

Main to heera hoon magar kis ko hai pehchan meri,

Pyar se barh ke tu hathon mein utha le mujh ko,

Us ke hote huye ab ban'na sanwarna kesa,

Apni chahat se kisi rang main dhaaley mujh ko,

Hijar ki dhoop me jalte huwe ik muddat se,

Thak chuka hoon zara seene se laga ley mujh ko ...