[life]

رات کی کوکھ سے
صبح کی ایک ننھی کرن نے یوں جنم لیا
شب نےننھی شفق کی گلابی
حسین مُٹھیاں کھول کر
کچھ لکیریں پڑھیں
اور صبا سے نا معلوم چپکے سے کیا کہہ دیا
یوں کے شبنم کی آنکھ سے آنسو بہے
اک ستارہ ہنسا
چاندنی مسکراتی ہوئی چل پڑی
اور نفاست سے پہلو بدلتے ہوئے
چونک کر میری ماں نے بہت شوق سے
کچھ اشارہ کیا
آہٹوں اور سرگوشیوں میں کسی نے کہا
" آہ لڑکی ہے یہ "
اتنی افسُردہ آواز، میرے خدا
میری پہلی سماعت پر لکھی گئی
میری پہلی ہی سانسوں میں گھولا گیا
ان شکستہ لمحوں کا زہریلا پن
آہ لڑکی ہے، آہ لڑکی ہے، لڑکی ہے
اس کی قسمت کی دعا مانگو
اب بھی میری سماعت پہ لکھی ہے وہ
میرے پُرکھوں کی پہلی دعا

 

[SHAYAN]

Buht Khoob

 

[life]

thanks..