[Miss Habib]

Kitabyn

Kitabyn jhankti hyn band almari ky sheeshoon sy
Barri hasrat sy takti hyn
Mahinoon ab mulaqatyn nahi hoteen
Jo shaamyn en ki sohbat myn kata krti theen, ab akser
Guzer jati hyn ab "Computer" k pardoon pr
Barri bechain rehti hyn kitabyn...
Enhyn ab neend myn chalny ki aadat ho gai hy
Barri hasrat sy takti hyn
Jo qadryn wo sunati theen...
K jin k cell kabhi marty nahi thy
Wo qadryn ab nazer aati nahi gher myn
Jo rishty wo sunati theen
Wo sary udherry udherry hyn
Koi safhaa palat'ta hoon to ek siski nikalti hy
Kaai lafzoon k maani gir parry hyn
Bina pattoon k sukhy tund lagty hyn wo sab alfaaz
Jin pr ab koi maani nahi ugty
Bht si estelahyn hyn...
Jo matti k sikkon ki tarha bikhri parri hyn
Gilasoon ny inhy matrook kr dala
Zubaan pr zaiqa aata tha jo safhy palatny ka
Ab ungali click krny sy bs ek
Jhapki guzerti hy...
Bht kuch teh ba'teh khulta chala jata hy pardy pr
Kitaboon sy jo zaati rabta tha, kat gaya hy
Kabhi seeny py rakh k lait jaty thy
Kabhi godi myn lety thy
Kabhi ghutnoon ko apny rehal ki surat bana kr
Neem sajdy myn parrha karty thy, chhooty thy jabeen sy
Khuda ny chaha to wo sara ilm to milta rahy ga baad myn bhi
Mger wo jo kitaboon myn mila karty thy sookhy phool
Kitabyn mangany, girny, uthany k bahany rishty banty thy
Un ka kya ho ga?
Wo shayad ab nahi hoon gy!

 

---

[SIGPIC][/SIGPIC]

[(‘“*JiĢäR*”’)]

zabardast

 

---

დ∫დ→◄●♥●►↔ǺήĐằŽ~◊Ệ◊~ßάΫǻЙ↔◄●♥●►←დ∫დ

[)*¤° ąℓɨƶą ąhʍ€ď °¤*(]

nice.............

 

---

[mcitp-it]

nice,,,,,,,,,,,,,

 

---

[Miss Habib]

thanks to all

 

---

[SIGPIC][/SIGPIC]