[anabia]

میں جواب جس کا نہ دے سکوں،مجھے تُو فقط وہ سوال دے
مری رات رات کے جسم پر، مرے رت جگوں کی تُو شال دے

ترے عشق میں مَیں اتر گیا مجھے روگ ایسا لپیٹ دے
جو سکھائے مجھ کو قلندری،مِری دھڑکنوں کو دھمال دے
...
ہُوں جو تیرا ماضی تو کیا ہوا، مجھے بھول مت مجھے یاد رکھ
مرے حرف حرف کی قدر کر،میرے سارے خط وہ سنبھال دے

کبھی ساتھ ساتھ رہا تو کر،کبھی بات مجھ سے کیا تو کر
تُو ملا کے آنکھ کو آنکھ سے میرا خواب خواب اجال دے

مِرے سر پہ تاج ہو درد کا،ہو گلے میں طوق فراق کا
جو گنوں تو کرب ہوں ان گنت مجھے اتنا مال و منال دے

اے مِرے ندیم یہ سُن زرا، کسی شام گھر بھی پلٹ کے آ
کہ بصارتوں کو سکوں ملے،انہیں اپنے خد و خال دے

 

---

نیلگوں فضاؤں میں
شور ہے بپا دل میں
شدتوں کے موسم کی
چاہتیں سوا دل میں
حبس ہے بھرا دل میں
میں اداس گلیوں کی
اک اداس باسی ہوں
بادلوں کے پردے سے
واہموں کو ڈھکتی ہوں
خوشبوئیں گلابوں کے جسم سے نکلتی ہیں
روشنی کی امیدیں کونپلوں پہ چلتی ہیں
پھر بہار آنے سے پہلے ٹوٹ جاتی ہیں
چوڑیاں بھی ہاتھوں میں ٹوٹ پھوٹ جاتی ہیں
جسم کے شگوفوں میں رنگ چھوڑ جاتی ہیں
بس سنہرے لہجےکی
روشنی ہے لو جیسی
ہونٹ سے پرے دل میں
کام کی دعا ایسی
کس کو یہ خبر لیکن
اِس سنہرے لہجے میں
کھارے کھارے پانی سا
بدگمانیوں سے پُر

---

Last edited by anabia; 05-03-2012 at 11:36 PM..