[K@IN@@T]

SUno…!
Mujhey Ma’Loom Hai Asaan Lagta Hai
Tumhein Raahein Badal Lena
Koi Bhi Mor Mur Jaana
Kisi Manzil Ko Tohkar Maar Ke Waapis Chaley Aana
Ya Manzil Ko Faqat Ik Junbish-E-Lab Se
Buhat Nazdeek Le Aana
Mujhey Maloom Hai
Buhat Asaan Hai Tum Ko Palat Jaana
Merii Tum Be-Bassi Dekho
Mujhey Tum Se Mohabbat Ke Siwaa Kuch Nahi Aata
Magar Iss Mein Bhi Kab Koi Qareena Seekh Paai Mein
Ye Dekho Aankh Rona Chahti Hai
Phir Bhi Banjar Hai
Ye Dekho Haath Kitney Sard Hein Merey
Ye Dekho Dil Ki Dharkan Kis Tarah
Tarteeb Khoh Kar Doobney Ko Hai
Ye Dekho Mera Aanchal Haathon Se Phissal Kar Urr Geya Kab Se
Ye Dekho Saans Ki Dorri Bhi Mujhsey Chuhtney Ko Hai
Merey Ehsaas Ka Resham Ulajh Kar Tootney Ko Hai
Mujhey Tou Ye Hunar Bilkul Nahi Aata
Ke Kesey Apney Zakhmon Ko Chuhpaatey Hein
Ya Kesey Dard Ko Darmaan Banaatey Hein
Ya Kesi Roothtti Saanson Ka Daaman
Thaam Kar Waapis Bulaatey Hein
Buhat Be-Khaawab Aur Weeran Mosam Mein
Khafa Neendon Ko Kya Kah Kar Manaatey Hein
Mujhey Ye Hunar Bilkul Nahi Aata
Ke Kesey Apney Mar Jaaney Pe Nohey Aap Kartey Hein
Ya Apney Hi Galey Lag Kar Dilaasa Kesey Bantey Hein
Phir Apni Hi Laash Ko Kaesey
Kisi Paayaab Dariya…….
Ya Kisi Adh-Bujhi Taaza Chitaa Mein Jhohnk Detey Hein
Ya Phir Aakaash Ke Neechey Khula Hi Chohr Detey Hein
Mujhey Tou Ye Hunar Bilkul Nahi Aata
Ke Kaesey Zard Mousam Mein
Kisi Bhi Sard Aur Be-Dard Mousam Mein
Khushi Ka Aik Bhi Ghuncha
Bhala Kaesey Khilaatey Hein
Ya Kaesey Aadhey Rastey Se Gharon Ko Lout Jaatey Hein
Mujhey Bilkul Nahi Aata
Mujhey Tum Se Mohabbat Ke Siwa
( Magar Wuh Bhi Kahaan Aai )
Koi Hunar Bilkul Nahi Aata..!!

 

---

[IMG][/IMG]

Thousands Of Yesterdays Have Gone, Millions Off Tomorrows Come,BUT, There Is Only ONE "TODAY",So, Enjoy You TODAY & Don't LIVE In WHT IS NOT TODAY."

[SIGPIC][/SIGPIC]

[life2]

nyc...

 

[!~*AdOrAbLe*~!]

loblyyyy .....

 

[Zafina]

Beautifull

 

---

And Your Lord Never Forget

[~ Sanam Khan ~]

MaRveLLouS..
K33p !t UP,.....

 

[Ghuncha]

Nice .....

 

---