[FAJAAN]

Ghamzada dil to kya aankhon ko tar nahin rakha,
Fareb hum ne saheY shikwa zabaan par nahin rakha.

Koi tegh kheenche aur main khaufzada ho jaaoon,
Khuda ke siwa dil main kisi ka dar nahin rakha.

Kizb ki hawayein na cheen lein shama-e-haq,
Khula is khauf se dil ka dar nahin rakha.

Toot kar bikhar gaye jaise ho.n mala ke moti,
Aitmaad rishton main kisi ne gar nahin rakha.

Dushman nahin dushmani ko qatl karne nikla hoon,
Khoon bahane ko haath main khanjar nahin rakha.

Apna to khuda ek hai malik bhi wo hi hai,
Uske siwa kisi dar pe kabhi sar nahin rakha.

Rah main pade faqeer ko haqarat se na dekh,
Khuda ne sada ek saa muqaddar nahin rakha.

Bade banne ka shauq hai to kirdar se ban,
Aandhiyon ne kabhi bada shajar nahin rakha.

Maghroor na ho apni zahiri quwwat pe zalim,
Abaabeel ne Abraha ka lashkar nahin rakha.

 

[(¯*♥¤»ƙɧՄՏɧՅԾԾ«¤♥*¯)]

beautiful

 

---

[Ghuncha]

Nice !!

 

---

[safa]

good......................................

 

[FAJAAN]

Originally Posted by Ќĥǚŝĥβòó

beautiful

thx khushbuuuuuu

 

[FAJAAN]

Originally Posted by Ghuncha

Nice !!

thx kancha

 

[FAJAAN]

Originally Posted by safa

good......................................

thx safa