[(‘“*JiĢäR*”’)]

ایچ پی نے پہلا اینڈرائیڈ لیپ ٹاپ متعارف کروادیا

کم و بیش ایک ماہ پہلے انٹرنیٹ پر ایچ پی کے پہلے اینڈرائیڈ لیپ ٹاپ کی تفصیلات لیک ہوئیں اور آج کمپنی کی جانب سے باضابطہ طور پر 14 انچ لمبی سکرین کا حامل یہ اینڈرائیڈ لیپ ٹاپ متعارف کروا دیا گیا ہے۔



لیپ ٹاپ کی 14 انچ لمبی ٹچ سکرین فل ایچ ڈی ریزولیوشن فراہم کرتی ہے اور کمپنی دعوی کے مطابق تمام اینڈرائیڈ ایپلی کیشنز پوری سکرین پر پھیل جائیں گی، اور آپ کی بورڈ کے ساتھ ساتھ لیپ ٹاپ کی ٹچ سکرین بھی استعمال کرسکتے ہیں۔

ایچ پی کا یہ دبلا پتلا لیپ ٹاپ جسکا وزن محض 1.7 کلوگرام اور موٹائی 16 ملی میٹر ہے اینڈرائیڈ جیلی بین 4.3
سے مزین ہے۔ اس لیپ ٹاپ میں
1.8 GHz
کواڈ کور
Nvidia Tegra 4
پراسیسر کا استعمال کیا گیا ہے اور اس میں 2 گیگا بائیٹ ریم نصب ہے۔ لیپ ٹاپ 16 ، 32 اور 64 گیگابائیٹ میموری کے مختلف ورژنز میں دستیاب ہے جبکہ آپ اس میں میموری کارڈ بھی استعمال کرسکتے ہیں۔



ایچ پی سلیٹ بک میں وائی فائی، بلیوٹوتھ اور ویڈیو کالنگ کے لیے کیمرہ کی سہولت بھی فراہم کی گئی ہے۔ اس لیپ ٹاپ میں
Beats Audio
کے سپیکر بھی نصب ہے۔ لیپ ٹاپ میں ایک
USB 3.0
، ایک
USB 2.0
اور ایک
HDMI
پورٹ بھی موجود ہے اور اسکے ساتھ ساتھ ہیڈفونز لگانے کے لیے
3.5 mm
جیک بھی فراہم کیاگیا ہے۔



کمپنی کا دعوی ہے کہ اس لیپ ٹاپ کی بیٹری کم و بیش 9 گھنٹے تک چلے گی تاہم بیٹری کے بارے میں زیادہ معلومات فراہم نہیں کی گئیں۔ ایچ پی سلیٹ بک 14 اس سال اگست کے مہینے میں فروخت کے لیے پیش کی جائے گی اوراسکی قیمت 400 امریکی ڈالر سے شروع ہوگی۔

 

---

დ∫დ→◄●♥●►↔ǺήĐằŽ~◊Ệ◊~ßάΫǻЙ↔◄●♥●►←დ∫დ