[ROSE]

Kuch tou ehsaas e ziyaan tha pehle
Dil kaa ye haal kahaan thaa pehle

Ab to manzil bhii hai khud garm-e-safar
Har qadam sang-e-nishaaN thaa pehle

Safar-e-shauq ke far_sang na puuchh
Waqt be-qaid-e-makaan thaa pehle

Ye alag baat ki gham raas hai ab
Is me andeshaa-e-jaan tha pehle

Youn na ghabaraaye huye phirte the
Dil ajab kunj-e-amaan thaa pehle

Ab bhi tu paas nahii hai lekin
Is qadar door kahaan thaa pehle

Dere daale hain bagolon ne jahaan
Us taraf chashm-e-ravaan thaa pehle

Ab vo dariyaa na vo bastii na vo log
Kyaa Khabar kaun kahaan thaa pehle

Har Kharaabaa ye sadaa detaa hai
MaiN bhii aabaad makaaN thaa pehle

Kyaa se kyaa ho ga_ii duniyaa pyaare
Tuu vahiiN par hai jahaaN thaa pehle

Ham ne aabaad kiyaa mulk-e-sukhan
Kaisaa sun_saan samaaN thaa pehle

Ham ne bakhshii hai khamoshii ko zubaan
Dard majabuur-e-fuGaan thaa pehle

Ham ne roshan kiyaa maamuur-e-gham
varnaa har samt dhuaaN thaa pehle

Gham ne phir dil ko jagaayaa ‘Nasir’
Khaanaa_barbaad kahaaN thaa pehle

 

---

Kabhi zindagi me kisik liay mut rona**
q k vo''tumhare ansoun k kabil nahi ho ga''
or ''vo'' jo is ''kabil'' ho ga vo tumhe ''rone'' nahi de ga''*****