[karwanpak]

کراچی ( کاروان ڈیسک)کالعدم لشکر جھنگوی نے حالیہ دنوں میں مختلف مبینہ پولیس مقابلوں میں اپنے کارکنان کی ہلاکت کو ماورائے عدالت قتل قرار دیتے ہوئے حکومت کو تنبیہ کی ہے کہ ان مقابلوں میں ملوث اہلکاروں کے خلاف کارروائی کی جائے یا ان جعلی مقابلوں کو اصلی ثابت کیا جائے ورنا ہم اپنے ہتھیاروں کا رخ قانون نافذ کرنے والے اداروں اور پیپلز پارٹی کی طرف بھی کر دیں گے۔

اس حوالے سے ایک خط حکومت سندھ کے نام جاری کیا گیا ہے۔ خط جاری کرنے والے نے اپنا نام علی سفیان لکھا ہے اور خود کو کالعدم لشکر جھنگوی کا مرکزی ترجمان ظاہر کیا ہے۔

مذکورہ خط میں تحریر ہے کہ کراچی میں حالیہ نام نہاد آپریشن کے دوران بے گناہ سنی نوجوانوں کو گھروں سے حراست میں لئے جانے اور تشدد کا نشانہ بنانے کے بعد انہیں لشکر جھنگوی کا کارکن ظاہر کر کے جعلی مقابلوں میں قتل کیا جا رہا ہے۔ قتل کئے جانے والوں میں گل حسن بلوچ، مقبول احمد، نوید ایوب ، محمد نوید، مفتی خالد، محمد عارف، محمد افضل بلوچ، محمد عرفان بلوچ، حنظلہ بلوچ شامل ہیں۔

اعلامیہ میں تحریر ہے کہ ہم حکومت کو تنبیہ کرتے ہیں کہ ظلم اور بربریت کے ان واقعات کی جلد از جلد تحقیق کر کے ان میں ملوث درندہ صفت ظالموں کے خلاف کارروائی عمل میں لائی جائے یا ان جعلی مقابلوں کو اصلی ثابت کیا جائے، بصورت دیگر ہم یہ قدم اٹھانے پر مجبور ہوں گے کہ ہم اپنے ہتھیاروں کا رخ سندھ پولیس، رینجرز، سی آئی ڈی اور پاکستان پیپلز پارٹی کی طرف کر دیں۔ لشکر جھنگوی ان ظالموں کا دنیا کے آخری کونے تک تعاقب کر کے اپنے بے گناہ جوانوں کا انتقام لے کر رہیں گے۔

 

---

Pakistan news karwan.no