[Rude_G!rl]

ایک کنجوس شخص نے ایک لکڑہارے کو مزدوری پر رکھا، لکڑیاں زیادہ تھیں۔ اس لیے مزدوری زیادہ بن رہی تھی۔ اس نے سوچا،میں بھی اس کے کام میں شریک ہو جاتا ہوں تاکہ اسے مزدوری کم دینا پڑے،
چنانچہ وہ اس کے پاس بیٹھ گیا۔جب وہ کلہاڑی مارتا تو یہ اپنے منہ سے آواز نکالتا۔ جب کام ختم ہو گیا تو اس نے لکڑہارے کو نصف رقم دی۔۔۔۔ اور اس سے کہا:
"منہ سے آواز نکالنے کے آدھے پیسے میرے بنتے ہیں۔"
اس پر لکڑہارا اس سے جھگڑنے لگا، آخر معاملہ قاضی کی عدالت تک پہنچا۔
قاضی صاحب سمجھ دار اور ہنس مکھ آدمی تھے۔
ساری بات سُن کر اُنہوں نے بخیل سے کہا:
"لکڑہارے کی پوری اُجرت مجھے دو۔"
اس نے اجرت اُنہیں دے دی۔ قاضی نے ایک ایک کر کے درہم صندوق میں پھینکنا شروع کیے، پھر بولے:
"یہ تمام درہم لکڑہارے کے اور درہموں کی ٹن ٹن تمہاری۔"

 

---

Iam not jealous type
but what is mine is mine
end of story!!