Usay barishon ne chura liya ke woh badalon ka makeen tha
Kabhi mur ke yeh bhi to dekhta ke mera wajood zameen tha
Wohi ek sach tha or is ke baad saari tohmatain jhoot hain
Mere dil ko poora yaqeen hai woh mohabbaton ka ameen tha
Usay shoq tha ke kisi jazeeray pe us ke naam ka phool ho
Mujhe pyar karna sikha gaya mera dost kitna zaheen tha
Kabhi saahilon pe phiro ge to tumhai sippiyan hi batayen gi
Meri aankh main jo simat gaya wohi ashk sab se haseen tha