Tishnagi Roz Mulaqaat Mein Reh Jati Hai
Meri Ik Baat Kahien Baat Mein Reh Jati Hai
Chand Aankhon Se Guzarta Hai Guzar Jata Hai
Chandni Dil Ke Muzafaat Mein Reh Jati Hai
Khwab Mein Hath Mila K Wo Chala Jata Hai
Aur Phir Aik Dhanak Hath Mein Reh Jati Hai
Us Ka Chehra To Nikal Jaye Meri Sochon Se
Roshni Mery Khayalaat Mein Reh Jati Hai
Jab Wo Ra’anaie Se Uth Jaye Mery Pehloo Se
Aik Tanhaaie Meri Zaat Mein Reh Jati Hai