[SHAYAN]

Tera Shukriya Aye Tabeeb-E-Jaan Ye Khaloos Apni Jagah Magar,
Teri Masihayi Bhi Kya Karein Mera Dard Hi Be-Shumaar Hai,

Mere Raaston Mein Jo Aagaya Mere Qaafle Ko Jo Kha Gaya,
Wo Toofan To Kabka Guzar Gaya Par Dil Mein Ab Tak Gubaar Hai,

Aye Meherbaan Dost Sun Meri Mushkilon Ko Samajh Ke Main
Teri Mohabbaton Ka Kya Karun Kise Dil Pe Ab Ikhtiyar Hai,

Naye Mausamon Ko Bulao Mat Ke Mujhe Khushbuon Ki Talab Nahi,
Meri Raah Rehne Do Khaar Khaar Mere Liye To Yehi Bahaar Hai,

Jo Nafraton Se Jhulas Gaya Use Dilse Saari Duwayein Do,
Par Us Sitam-Zada Ka Kya Karein Jo Mohabbaton Ka Shikar Hai...