[Owi]

Chalaao teer k jumbish to ho kamaanon mein
Zabaan ghutt k na reh jaaye bay-zabaanon mein

Sukoot hai k samander shanaas logon nay
Hawaayein baand k rakhi hein baad-baanon mein

Na-jaanay kaisay meri fiker mein ye derr aaya
K aik zameen bhi shaamil ho aasmaanon mein

Khala wohi hai mager zaawiye naye hein meray
Meri talaash bhi dekho meri uraanon mein

Ye ghum nahi hai paristaar hein meray dil k
Zahay-naseeb k rehta hoon qader daanon mein.

 

---

•||•––––•||•––•Owi•––•||•––––•||•