huii hai shaam to aankhoon mein bas gayaa phir tuu
kahaan gayaa hai mere shahar ke musaafir tuu
bahut udaas hai ik shaKhs tere jaane se
jo ho sake to chalaa aa usii kii Khaatir tuu
merii misaal ki ik naKhl-e-Khushk-e-saharaa huuN
teraa Khayaal ki shaaKh-e-chaman kaa taair tuu
main jaanataa huuN ke duniyaa tujhe badal degii
main maanataa huuN ke aisaa nahiin bazaahir tuu
haNsii Khushii se bichhar jaa agar bichharanaa hai
ye har maqaam pe kyaa sochataa hai aaKhir tuu
'Faraz' tuune usey mushkiloon mein Daal diyaa
zamaanaa saahib-e-zar aur sirf shaayar tuu...
Hussain Ke Dushman Ki Sab Se Bari Baat Yeh Hai
Ke Woh Hussain Ka Dushman Hai...