[Owi]

Kuch sunoon ga na kuch kahoon ga main
Haal aankhon say jaan loon ga main

Raat jaisay bhi guzer gai yaaron
Subha honay ko hai chaloon ga main

Yaad mein teri jaisay jalta hoon
Kya yun hi umer bhar jaloon ga main

Aik seedhasawaal tujh say karoon ?
Bin teray kaisay jee sakoon ga main ?

Chaahay jitna sanwaar loon khud ko
Teray jaisa kahaan lagoon ga main

Haaye kitna haseen mosam hai …..
Aaj to laazmi piyoon ga main

 

---

•||•––––•||•––•Owi•––•||•––––•||•