Main Roshni Hoon Kaf E Dast Se Rukoon Ga Kahan
Tamaam Umer Tere Taaq Per Jaloon Ga Kahan
Bulaa Raha Hai Mujhe Kehkashan Ka Derwaaza
Wo Aa Bhi Jaaye Tou Ab Main Usey Milon Ga Kahan
Main Apne Bichhrey Hue Pairr Ki Talash Main Hoon
Ziada Dair Teri Shaakh Per Khiloon Ga Kahan
Ye Chund Saanson Ka Bhi Aasraa Usi Se Hai
K Jab Rahe Ga Nahin Wo Tou Main Rahoon Ga Kahan
Main Zakhm Hoon Ghani Raaton Main Jaagne Wala
Tumhare Taar E Muhabbat Se Ab Siloon Ga Kahan