[Owi]

Ager mujh say mohabbat hai, jahaan ki baat mat kerna
Haseen ki baat mat kerna, jawaan ki baat mat kerna

Bazaahir dil ka soda hai, mager jaan tak bhi aaye ga
Ager manzoor hai to phir, ziyaan ki baat mat kerna

Haseen ho tum raho ghar mein, ya phir chup ker meray dil mein
Sar-e-baazaar aanay per, amaan ki baat mat kerna

Ager is baar tum aao, to keh dayna mohabbat hai
Yahaan ki baat mat kerna, wahaan ki baat mat kerna

Bohat achi si larki hai, mager wo ye bhi kehti hai
Meray dil mein hi rehna tum, makaan ki baat mat kerna.

 

---

•||•––––•||•––•Owi•––•||•––––•||•