[LAMS]

Yeh rasm e ghair sahe
Chahaton ki rasam to hai
Samaton men mohabat ki naghmagi bhar den
Nazar men aks otaren naey saweron kay
Nishan tak na rahen ankh men andheron kay
Khayal o khuwab kay ashjar par samar aeyn
Lage hen rooh pe jitney bhi zakham bhar jaeyn
Faseel e shahar pe rakhen charag subhon kay
Harem e shab ko ujalon se humkanar Karen
Chalo kay phir se hum ek dusre se pyar Karen
Wafa kay peir pe otre hare dinon ki bahar
Gulon pe raqs kare shok titliyon ki Qatar
Dua ki shakh pe bares nae ruton ki phowar
Chaman kay goshon pe hon aman fakhtaen nisar
Jo runj men hen onhen wakf e zindage kar den
Chalo kay shahar e mohabat men roshni bhar den

 

---