[LAMS]

kaun hai apna kaun paraya itna bhi ab yad nahin
men ne kia khoya kia paya itna bhi ab yad nahin

rat kay gehre sannate men weerani kay zeene par
kis ne akhir deep jalaya itna bhi ab yad nahin

abar chata toh jane kesa khof tha geeli shakhon par
chiryon ne q shor machaya itna bhi ab yad nahin

too ne kitne dard samete mera sath nibhane men
men ne kitna bojh othaya itna bhi ab yad nahin

 

---