[Zafina]

Apne hathon ki lakeeron se mita don tujh ko?
Kaise mumkin hay k main aise dagha don tujh ko
Sochta hon main kisi tor bhula don tujh ko
Apni yaadon se kisi roz mita don tujh ko
Tu na mil paye mujhe aisi Dua don tujh ko
Hosla hota nahin dagh e wafa don tujh ko
Mere daman mein andheron k siva kuch bhi nahin
Yeh kisi roz,kisi roz bata don tujh ko
Aitbar e dil e awara nahin hay mujh ko
Is ki dharkan mein bhala kaise basa don tujh ko
Aag si lagti hay seenay mein shab o roz Khalish
Yeh na ho khud bhi jalon aur jala don tujh ko

 

---

And Your Lord Never Forget