[!~*SOoLi]

Suna Hay Jangalo'n Ka Bhi Koi Dastoor Hota Hay..

Suna Hay..

Shair Ka Jub Pait Bhar Jaye,
To Wo Hamla Nahi Karta..

Suna Hay..

Hawa Kay Taiz Jhonkay Jab Darakhto'n Ko Hilatay Hain..
To Maina Apnay Ghar Ko Bhool Kar,
Kaway Kay Ando'n Ko Paro'n Mein Thaam Laiti Hay..

Suna Hay..

Ghonslay Say Jab Koi Bacha Giray,
To Sara Jungle Jaag Jaag Jata Hay..

Suna Hay..

Koi Pull Toot Jaye Aur..
Sailaab Ajaye..
To Kisi Lakri Kay Takhtay Par,
Gulehri, Sanp Aur Bakri,
Ikathay Sath Hotay Hain..

Suna Hay Jangalo'n Ka Bhi Koi Dastoor Hota Hay..

Khuda-e-Munsif O Akbar..
Humaray Mulq Main Bhi Ab..
Jangalo'n Ka Hi Koi Dastoor Nafiz Kar

 

---

Chal Fiqr Noo Goli Maar Yaar Hain Din Jindri Day Chaar!