[!~*AdOrAbLe*~!]

Safar tanha nahin kartey

Suno aisa nahin kartey
Jise shafaf rakhna ho
Usay maila nahin kartey
Teri aankhein ijazat dein

To hum kya kya nahin kartey

Bohat ujre hoye ghar pe
Bohat socha nahin kartey
Safar jis ka muqadar ho
Usay roka nahin kartey

Jo mil kar khud se kho jatey hain

Usay ruswa nahin kartey
Chalo tum raaz ho apna
Tumhein afsha nahin kartey
Jo dhun ho kar guzarne ki

Phir socha nahin kartey

Kabhi hansane se dartey hain
Kabhi roya nahin kartey
Teri aankhon ko parhte hain
Tujhe dekha nahin kartey
Sehar se pooch lo mohsin

Kay hum soya nahin kartey