[LAMS]

dunya ko to halaat se umeed bari thi
par chahne walon ko judai ki pari thi

kis jan e gulistan se yeh milne ki ghari thi
khushbu men nahai huwi ek sham khari thi

men os se mili thi kay khud apne se mili thi
woh jese meri zat ki gum gashta ghari thi

yon dekhna os ko kay koi aur na dekhe
inaam to acha tha magar sharat kari thi

kam maya to hum the magar ahsas nahi tha
aamad teri is ghar kay muqadar se bari thi

men dhaal liey simt e adoo dekhti rahi
palti to meri pusht pe talwar gari thi

perveen shakir

 

---