Jagti raat k honton pe fasaney jaisy,
ek pal me simat aaye hon zamany jaisy,
Aqal kehti hai bhula do jo nahi mil paya,
dil wo pagal k koi baat na maany jaisy,
raasty men wohi manzar hain puraany ab tak,
bus kami hai to yahi log puraany jaisy,
Aaiena dekh k ehsas yehi hota hai,
le gaya ho waqt umron k khazaany jaisy,
raat ki aankh se tapka hua aansu ,.
makh'mali ghaas pe moti k hon daany jaisy..