Waqt e rukhsat kahin taray kahin jugnu aaye
Haar pehnane mujhay phool se baazu aaye
Bas gayi hai mere ehsaas mein ye kaisi mehek
Koi khushboo main lagaon teri khushboo aaye
Main ne din raat khuda se ye dua maangi thi
Koi aahat na ho dar pe merey aur tu aaye
Us ki baaten ke gul o lala pe shabnam barse
Sab ko apnane ka us shokh ko jadu aaye
Us ne choo kar mujhe pathar se phir insaan kiya
Muddaton baad meri aankh me aansoo aaye