Diloon main phir se nayi chahtein saja bethe
Gale mile tu dabhi ranjeshein bhula bethe
Wo jis ko payar ka mafhoom tak nahi maloom
Usi ke dar par kyun jan-o- dil luta bethe
Khabar bhi thi ke hawaein wafa nahi kartein
Unhi ke dosh par phir kyun diya jala bathe
Yeh nain qurb main kyun b-e-iktiyar hote hain
Jo baat dil ne chupai wahi bata bathe
Jo patharoon ke hawale se moatbar hai bohat
Usi shahar main ham sheeshe ka ghar bana bethe
