[!~*AdOrAbLe*~!]

Khamosh ho kyon daad-e-jafa kyun nahi dete
bismil ho to qaatil ko dua kyun nahi dete

wahashat ka sabab rozan-e-zindaan to nahi hai
mahar-o-mah-o-anjum ko bujha kyun nahi dete

ik ye bhi to andaaz-e-ilaaj-e-gham-e-jaan hai
ai charagaro dard barha kyun nahi dete

munsif ho agar tum to kab insaaf karoge
mujarim hain agar ham to saza kyun nahi dete

rahazan ho to hazir hai mata-e-dil-o-jaan bhi
rahabar ho to manzil ka pata kyun nahi dete

kya beet gai ab ke �Faraz� ahal-e-chaman par
yaraan-e-qafas mujh ko sada kyun nahi dete