Shukar hay usska kay itna hosla rakahta ho'n mai'n
Dosro'n kay gham bhi seenay say laga rakahta ho'n mai'n
Aaj kal rehnay laga hay janay kis ka intazaar
Shaam ko sahil pay ek jalta deya rakahta ho'n mai'n
Pochtay hai'n dost jab kis say mohabbat hay tujay
Bayzuba'n ho kar bharam uss shakhas ka rakahta ho'n mai'n
Chand lamho'n mai'n dubo bhi sakta ho'n sara jaha'n
Apni aankaho'n mai'n samandar dosra rakahta ho'n mai'n
Dhondati rehti hai'n kernai'n karya karya ko ba ko
Chaandni raato'n mai'n khud ko lapata rakhata ho'n mai'n
Baarishai'n aati hai'n mujh mai'n aandhiyo'n kay sath sath
Dashat-e-darya say purana silsala rakahta ho'n mai'n
Kon aa kar chairta hay janay dil ko in dino
Uss jagah hota nahi jiss jagah rakahta ho'n mai'n
Kon sa mosam hay koi yeh bata sakta nahi
Apni halat apnay chehray say juda rakahta ho'n mai'n
.
Ajab Tamasha-Gar Hain Matti k ye Putlay "SAQI"
Bewafai Karo to Rote Hain, Wafa karo to Rulate Hain