[ROSE]

آپ سا دونوں جہاں میں نظر آیا ہی نہیں
کیونکہ اللہ نے کوئی اور بنایا ہی نہیں

آپ نے جب سے نوازا ھے یارسول اللہ
میں نے دامن کسی چوکھٹ پہ پھیلایا ہی نہیں

جب کہا قبرمیں سرکار نے یہ میرا ھے
پھر نکیروں نے مجھے ہاتھ لگایا ہی نہیں

جو بھی مکے سے پلٹ آئے مدینے نہ گئے
یوں سمجھ لو انہیں سرکار نے بلایا ہی نہیں

نہ کوئی محبوب اور نہ محب کا ثانی
ایک کا جسم نہیں اور ایک کا سایہ ہی نہیں

آپ کی نعت ہی شہزاد کا سرمایہ ھے
اس نکمے نے تو کچھ اور کمایا ہی نہیں