Utaren Ajeeb Roshniyan Raat Khuwab Mein,
Kya Kya Na Aks Tair Rahay Thay Sarab Mein,
Kab Se Hain Ek Harf Pe Nazrein Jami Hui,
Woh Parh Raha Hoon Jo Nahi Likha Kitab Mein,
Phir Tairgee K Khuwab Se Chaunka Hai Rasta,
Phir Roshni Se Door Gayi Hai Sahaab Mein,
Pani Nahi Hai Apnay Hi Chehray Ko Dekh Lon,
Manzaar Zameen K Dhoondta Hoon Mahtaab Mein,
Kab Taq Rahega Rooh Pe Pairhaan-e-Badan,
Kab Taq hawa Aseer Rahay Gi Hubaab Mein,
Jeenay Kay Saath Mout Ka Dar Hai Laga Hua,
Khushki Dikhaye De Hai Samander Ko Khuwab Mein,
Ek Yaad Hai K Cheen Rahi Hai Laboon Se Jaam,
Ek Aks Hai K Kanp Raha Hai Saraab Mein.......!!!!
And Your Lord Never Forget