Main khayal hoon kisi aur ka, mujhay soochta koi aur hai
Sar-e-aaina mera aks hai pas-e-aaina koi aur hai
Main kisi kay dast-e-talab mein hoon to kisi kay harf-e-dua mein hoo
Main naseeb hoon kisi aur ka mujhay mangta koi aur hai
Ajab aitebaar-o-be�aitebaari kay darmiyaan hai yeh zindagi
Main qareeb hoon kisi aur kay mujhay jaanta koi aur hai
Mairi roshni tairay khad-o-kaal say mukhtalif to nahi magar
qareeb aa tujhay daikh loon tu wohi hai ya koi aur hai
Tujhay dushmanoon ki khabar na thee mujhay doostoon ka pata na tha
tairi daastaan koi aur thee maira waqiyah koi aur hai
kabhi laut aain to poochna nahi daikhna unhain ghaur say
jinhain raastay main khabar hoi kay yeh raasta koi aur hai